IDINAOS ang ikalawang araw ng Essential Pain Management program sa University of Santo Tomas Hospital (USTH) kung saan ibinahagi ng mga doktor mula sa Australia at Malaysia ang mga epektibong paraan ng pagtuturo nito sa mga “pain specialists” at nars sa Pilipinas.

Nagsama ang UST Faculty of Medicine and Surgery, Center for Pain Medicine ng Australian and New Zealand College of Anaesthetistsat ngPhilippine Pain Society upang tulungang maunawaan ng mga kasali sa programa ang kahalagahan ng “pain” pagdating sa pagaasikaso ng mga pasyente.

Ilan sa mga kalahok ay mga doktor, nars at Anesthesiologists na eksperto sa pain medicine.

     “Improve pain management worldwide by working with health workers at a local level,” ani ni Prof. Roger Goucke, Chairman ng Essential Pain Management sub-committee ng Australia and New Zealand College of Anaesthetists.

Layunin nila na sanayin ang mga kalahok sa pagbibigay ng mga seminar tungkol sa pain management para maibahagi din ito sa mga mag-aaral ng medisina.

      “You could use these ideas to teach anything, can be applied to other expertise… what you guys are gonna do is to sort out how you’re gonna teach tomorrow,” sabi ni Goucke.

Ayon sa mga kalahok, kulang daw sa pagbibigay-pansin ang mga doktor o nars sa bansa pagdating sa pain assessment ng mga pasyente.

“When it comes to the clinics, it’s not being done. Based also on the survey we are currently conducting in terms of pain, we saw that even we have the vital signs monitoring sheet, pain scores are often left blank,” sabi ni Prof. Jocelyn Que.

“Aside from that the nurses who record the score, usually they put 0-0-0 but if you try to ask the patient, it’s 5 or 7,” dagdag pa ni Que.

Sabi ni Goucke na ang Structure, Relevance at Interaction ang tatlong katangian ng pagtuturo na nababagay sa mga nakatatanda. Binubuo din ito ng mga lectures at group discussions.

Upang maging mabisa ang pagtuturo, kailangan taasan ang boses ng tagapagsalita, patawanin ang mga tagapakinig, tignan sila sa mata, at hingin ang kanilang opinyon para magkaroon ng interaskyon, ayon kay Mary Cardosa, consultant anaesthesiologist at pain specialist mula sa Malaysian Medical Association.

Hinati sila sa dalawang grupo kung saan tinignan kung paano magturo ang bawat isa at sinanay din sila na magbahagi ng mga ideya gamit ang group interaction.

Ang “Treatments of Pain”  (“pag-trato ng sakit”), “Why Should We Treat Pain?” (“Bakit kailagang tratuhin ang sakit?”) at “Advantages of Treating Pain” (“Mga benepisyo ng pag-trato ng sakit.”) ay ilan lang sa mga paksa ng lektiyur.

Galing ang mga kalahok sa St. Lukes-Quezon City, St. Lukes-Global City, Manila Doctors Hospital, Manila Central University, National Kidney and Transplant Institute, at sa College of Nursing ng UST.

Kuha ni Shelley Ann Badayos